“Ukraynada müharibənin ikinci mərhələsi qaçılmazdır”.
Azpost.info xəbər verir ki, bunu NATO baş katibinin müavini Mirça Coane “Digi24”ə açıqlamasında deyib.
Onun sözlərinə görə, NATO rəhbərliyi Ukraynaya hərbi əməliyyatların yeni, daha geniş mərhələsinə hazırlaşmağa kömək edir: “Hər şey göstərir ki, biz tezliklə bu müharibənin ikinci mərhələsinə qədəm qoyacağıq. Biz həm şərqdə, həm də Donbasda daha geniş ərazini əhatə edən və daha mürəkkəb ikinci mərhələyə doğru gedirik. Cənubda da Krıma və Mariupola doğru…”.
Onun sözlərinə görə, alyansda Rusiya qüvvələrinin yenidən qruplaşdırılması və müharibənin birinci mərhələsində böyük itkilər verməsi ilə bağlı məlumatlar var.
Coane qeyd edib ki, NATO ölkələri Ukraynaya çoxlu sayda zirehli və hərbi texnika, həmçinin uzaq məsafələrdə hədəfləri vura bilən silahlar verir: “Müharibənin ikinci hissəsi keyfiyyət, intensivlik və ardıcıllıq baxımından fərqli olacaq. Ona görə də Ukraynaya müharibənin bu mərhələsində kömək etməyimiz təbiidir”.
Azpost.info
