Tramp indi də Cənubi Afrikanı hədələdi
Prezident Tramp ABŞ-ın YUNESKO-da üzvlüyünü dayandırmaq barədə göstəriş verib.
AzPost bildirir ki, bu barədə Reuters iki diplomata və Prezident administrasiyasının adı açıqlanmayan nümayəndəsinin “New York Post”a məlumatına istinadən məlumat yayıb.
Məlumatı Ağ Evin mətbuat katibinin müavini Anna Kelli təsdiqləyib.
NYP-nin qeyd etdiyi kimi, Tramp administrasiyası YUNESKO-nun müxtəliflik, bərabərlik və inklüzivlik siyasətləri, eləcə də Fələstinyönlü, Çinyönlü siyasəti ilə razılaşmır.
Trampın komandasındakı mənbə nəşrə bildirib ki, Çin UNESCO-dakı nüfuzundan Pekinin maraqlarına uyğun olan qlobal standartları irəli sürmək üçün istifadə edib.
ABŞ ilk dəfə 1984-cü ildə Ronald Reyqanın dövründə YUNESKO-dan çıxıb, sonra 2003-cü ildə Corc Buşun dövründə yenidən üzv olub.
2017-ci ildə Donald Tramp ABŞ-ın YUNESKO-dan çıxması təşəbbüsü ilə çıxış edib, lakin altı il sonra Co Bayden Çinin orada artan nüfuzuna qarşı çıxmaq üçün ölkənin təşkilata qayıtmasına təkan verib.
