Rusiya
Rusiya ABŞ-ın Böyük Britaniyada nüvə silahı yerləşdirməsi ilə bağlı yayılan xəbərlərə reaksiya verib. AzPost xəbər verir ki, Kremlin sözçüsü Dmitri Peskov bu addımın hərbi gərginliyi artırdığı qənaətindədir.
“Biz burada gərginliyin, xüsusilə də nüvə səviyyəsində hərbiləşmənin artması tendensiyasını görürük”, – deyə Peskov bildirib. O, eyni zamanda qeyd edib ki, Rusiya bu sahədə baş verənləri yaxından izləyir.
“Əlaqədar qurumlarımız situasiyanı nəzarətdə saxlayır və baş verənlər fonunda təhlükəsizliyimizi təmin etmək üçün tapşırıqlar formalaşdırır”, – deyə Kremlin sözçüsü əlavə edib.
Qeyd edək ki, “The Times” nəşrinin yazdığına görə, ABŞ 2008-ci ildən bəri ilk dəfə Böyük Britaniyada nüvə silahı yerləşdirib və bu silahlar gələcəkdə F-35A qırıcı təyyarələri ilə daşına bilər.
