Mayın 15-də ABŞ prezidenti Donald Trampın administrasiyası “Amerikanın səsi” radiostansiyasının 600 əməkdaşını işdən çıxarmaq barədə qərar verib.
AzPost bildirir ki, bu barədə “The New York Times” yazır. Bu da işçilərin demək olar ki, yarısını təşkil edir,
Nəşrin məlumatına görə, ixtisarla yanaşı, radiostansiyanın Vaşinqtondakı ofisi də satışa çıxarılıb.
Martın 14-də Tramp ABŞ hökumətinin Qlobal Media Agentliyinin (USAGM) fəaliyyətinin miqyasını azaltmaq üçün sərəncam imzalayıb. O, xarici siyasətin təbliğatına cavabdeh idi və dövlət tərəfindən maliyyələşdirilən Azad Avropa/Azadlıq Radiosu və Amerikanın Səsi radiostansiyalarının fəaliyyətini əlaqələndirirdi.
