ABŞ lideri Donald Tramp Qrenlandiya sakinlərinə ABŞ-yə birləşmənin lehinə səs verəcəkləri təqdirdə hər birinə 1 milyon dollar təklif etməyi nəzərdən keçirir.
Bu barədə “Daily Mail” məlumat yayıb.
Nəşrin yazdığına görə, NATO rəsmiləri Danimarkanın ABŞ-yə Qrenlandiyada “ərazinin kiçik hissələrini” verməsini nəzərdə tutan sazişi müzakirə ediblər. Həmin ərazilərdə ABŞ hərbi bazalar tikə bilər.
“Axios” mənbələrinin məlumatına görə, Tramp ilə NATO-nun baş katibi Mark Rüttenin yanvarın 21-də müzakirə etdiyi Qrenlandiya üzrə çərçivə razılaşması Danimarkanın ada üzərində suverenliyinə hörmət prinsipini ehtiva edir. Rütte ilə danışıqlardan sonra Tramp bildirib ki, Qrenlandiya ilə bağlı iddialarına qarşı çıxdıqlarına görə fevralın 1-dən səkkiz Avropa müttəfiqinə gömrük rüsumları tətbiq etməyəcək. Onun sözlərinə görə, əgər razılaşma Rütte tərəfindən müzakirə edilən şərtlərlə əldə olunarsa, “Qrenlandiya böhranı” tam şəkildə həll ediləcək.
Tramp dəfələrlə Qrenlandiyanın ABŞ-nin bir hissəsinə çevrilməli olduğunu bildirib. “World Economic Forum” çərçivəsində Davosda o, Vaşinqtonun ərazinin alınması ilə bağlı dərhal danışıqlara başlamağa çalışdığını deyib. “The White House” rəhbəri qeyd edib ki, ABŞ adanı “Qızıl Günbəz” adlı raketdən müdafiə sisteminin yaradılması və “təhlükəli rəqiblərin” qarşısının alınması məqsədilə əldə etmək istəyir.
