ABŞ-ın sabiq prezidenti Tramp Amerikalı yəhudilərdən narazlıq edib və onun İsrail üçün etdiklərini qiymətləndirmədiklərindən gileylənib.
Azpost.info bildirir ki, Tramp bu barədə özünün yaratdığı “Truth Social” şəbəkəsində yazdığı statusunda qeyd edib.
Bazar günü yazdığı tvitində Tramp bildirib ki, “ABŞ-ın heç bir prezidenti İsrail üçün onun qədər iş görməyib”.
“Təəccüblüdür, bizim ABŞ-da yaşayn yevanglistlər bunu yəhudi inancı olan insanlardan daha çox qiymətləndirir”-deyə Tramp bildirib. Sabiq prezident deyib ki, həmçinin İsraildə yaşayanlar da bu sıradadır.
Tramp qeyd edib ki, onun dünyada yüksək reytinqi var və istəsəydi asanlıqla İsrailin Baş naziri olardı.
Tramp daha sonra ABŞ-da yaşayan yəhudilərə xəbərdarlıq edib: “Nə qədər gec deyil, onlar bir yerə toplaşmalı və İsraildə malik olduqlarının qiymətini bilməlidirlər”.
Sabiq prezidentin bu paylaşması tənqidlərə səbəb olub. Onu antisemitizmdə ittiham ediblər. “Tramp İsrailə görə, ABŞ yəhudilərindən özünə qarşı loyallıq tələb etməklə antisemit zibilxanasındakı yanğının üstünə yağ tökür“-deyə İsrailin BMT-dəki sabiq nümayəndəsi Aviva Klompas Tvitterdə yazıb.
Azpost.info
