Tramp
ABŞ Prezidenti Donald Tramp Avropa İttifaqı ilə ticarət razılaşmasının onun üçün önəm kəsb etmədiyini bildirib.
AzPost xəbər verir ki, Tramp bu barədə “Real America’s Voice” telekanalına verdiyi müsahibədə danışıb.
Dövlət başçısı qeyd edib ki, ABŞ Avropa İttifaqına rəsmi şəkildə bildiriş göndərərək, birinci avqustdan etibarən Avropadan idxal edilən bütün mallara otuz faiz gömrük rüsumu tətbiq edəcəyini açıqlayıb. Onun sözlərinə görə, ticarət sazişi bağlanmasa da, gömrük rüsumları ölkə üçün gəlirli üsuldur.
“Biz Avropa ilə razılaşma imzalaya bilərik. Amma bu, mənim üçün vacib deyil. Tariflər ölkəyə böyük gəlir qazandırır və bu, pis yol deyil”, – deyə Tramp bildirib.
Qeyd edək ki, Trampın bu qərarı əvvəlki rüsumlara əlavə olunur. Belə ki, ABŞ artıq Avropa məhsullarına, o cümlədən polad, alüminium və avtomobillərə on faiz rüsum tətbiq edirdi.
