“Moskvanın Donald Trampın ABŞ prezidenti seçiləcəyi təqdirdə Ukrayna böhranını necə həll etmək istədiyi barədə dəqiq təsəvvürü yoxdur”.
Azpost.info bildirir ki, bu sözləri Rusiya prezidentinin mətbuat katibi Dmitri Peskov deyib.
Onun sözlərinə görə, Tramp xarici siyasət məsələləri, o cümlədən Ukrayna problemi ilə bağlı Kremllə əlaqə saxlamayıb.
Kreml sözçüsü bildirib ki, Moskva sülh yolu ilə nizamlanmanın dəqiq necə həyata keçiriləcəyi barədə anlayışı yoxdur. Eyni zamanda o, Trampın nümayəndələrinin Rusiya diplomatları ilə əlaqə saxlamadığını vurğulayıb. “Bu məsələ ilə bağlı strategiyalar ətrafında müzakirələr aparılmayıb”.
Tramp bundan əvvəl demişdi ki, seçicilər onun prezident seçkilərində qələbəsini təmin edərsə, Ukraynadakı münaqişəni tez həll edəcək. ABŞ-ın keçmiş prezidenti həm Rusiya prezidenti Vladimir Putin, həm də Ukrayna prezidenti Vladimir Zelenski ilə yaxından tanış olduğuna inanır.
