“Son 10 ildə Türk Dövlətləri Təşkilatına üzv olan ölkələr arasında əlaqələr əhəmiyyətli dərəcədə artıb. 2024-cü ildə qarşılıqlı ticarətin həcmi 45 milyard dolları keçib. Ölkələrimiz Transxəzər beynəlxalq nəqliyyat dəhlizində mühüm rol oynayır. Biz enerji, sənaye, kənd təsərrüfatı, rəqəmsallaşdırma sahələrində əməkdaşlığı gücləndirmək niyyətindəyik”.
Azpost.info bildirir ki, bu sözləri Qazaxıstan prezidenti Tokayev “Ana Tili” qəzetinə verdiyi müsahibəsində deyib.
Tokayev qeyd edib ki, Qazaxıstan bu təşkilata sədrlik dönəmində “TURKTIME!” şüarını irəli sürüb. Bu abbreviatura Ənənələr, Birlik, İslahatlar, Bilik, Etimad, İnvestisiyalar, Vasitəçilik və Enerji kimi qarşılıqlı münasibətlərin səkkiz prioritetini ifadə edir. Bu prioritetlər təkcə Türk Dövlətləri Təşkilatı tərəfindən deyil, bütün türk dünyası tərəfindən maraqla qarşılanıb.
“Qazaxıstan türk dünyasının birləşməsinə yönəlmiş bütün yaradıcı təşəbbüsləri dəstəkləyir, həmçinin Rusiyanın “Altay – türklərin qızıl beşiyi” konsepsiyasına müsbət yanaşır. Ölkəmiz türk xalqları arasında əlaqələrin möhkəmləndirilməsində, o cümlədən ümumi tarixi-mədəni zəngin irsimizin təbliğində bundan sonra da iştirak edəcək”-deyə dövlət başçısı vurğulayıb.
