Skip to content
cropped-cropped-logo.png

Analitik İnternet Portalı

Primary Menu
  • Siyasət
  • Dünya
  • Müsahibə
  • İqtisadiyyat
  • Araşdırma
  • Gündəm
  • İdman
  • Media
  • Şou Biznes
  • Sosial
  • Redaksiya Siyasəti
Light/Dark Button
  • Mədəniyyət

Türk Mədəniyyəti və İrsi Fondunun Prezidenti Özbəkistanda konfransda çıxış edib

User 24 İyun 2026 - 15:03
WhatsApp Image 2026-06-24 at 14.04.36

24 iyun 2026-cı il tarixində Özbəkistan Respublikasının Namangan şəhərində keçirilən III Beynəlxalq Məqam Sənəti Forumu çərçivəsində “Şərq məqamının yeni tendensiyaları: ənənə və innovasiyanın qarşılıqlı əlaqəsi” mövzusunda beynəlxalq konfrans təşkil olunub.

Tədbirdə Türk Mədəniyyəti və İrsi Fondunun prezidenti, professor Aktotı Raimkulova çıxış edərək türk dünyasının zəngin musiqi irsinin qorunması, öyrənilməsi və gələcək nəsillərə ötürülməsinin əhəmiyyətindən bəhs edib. O, Özbəkistan Respublikasının Türk dünyasının mədəni irsinin qorunması və inkişaf etdirilməsi istiqamətində xüsusi rolunu qeyd edib, həmçinin ölkədə mədəniyyət, incəsənət, elm və təhsilin dəstəklənməsi sahəsində həyata keçirilən işləri yüksək qiymətləndirib.

Aktotı Raimkulova çıxışında Fond tərəfindən mədəni irsin rəqəmsallaşdırılması sahəsində həyata keçirilən layihələrə, eləcə də Birinci Bakı Türkoloji Qurultayının 100 illiyinə həsr olunmuş beynəlxalq təşəbbüslərə xüsusi diqqət ayırıb. O vurğulayıb ki, müasir texnologiyalar və süni intellekt mədəni irsin, o cümlədən məqam sənətinin qorunması, öyrənilməsi və təbliği üçün yeni imkanlar yaradır

Forumun açılış mərasimində Özbəkistan Respublikasının Prezidenti tərəfindən irəli sürülən təşəbbüslərə xüsusi toxunan Aktotı Raimkulova Yeni Daşkənddə inşa olunan Məqam Mərkəzinə Ümumdünya Məqam Mərkəzi statusunun verilməsi, onun nəzdində Beynəlxalq Məqam Akademiyasının, Beynəlxalq Rəqəmsal Kitabxananın və elmi laboratoriyanın yaradılması, həmçinin Ümumdünya Məqam Antologiyasının hazırlanması ilə bağlı təklifləri yüksək qiymətləndirib. Onun sözlərinə görə, bu təşəbbüslərin həyata keçirilməsi dünya xalqlarının unikal musiqi irsinin qorunmasına və beynəlxalq səviyyədə tanıdılmasına mühüm töhfə verəcək.

Konfrans çərçivəsində müxtəlif ölkələrdən olan alimlər, musiqişünaslar, mədəniyyət xadimləri və beynəlxalq təşkilatların nümayəndələri Şərq məqam sənətinin müasir inkişaf istiqamətləri, ənənəvi musiqi irsinin qorunması, rəqəmsal texnologiyaların və innovativ yanaşmaların tətbiqi, eləcə də məqam sənətinin gənc nəsillər arasında təbliği məsələləri ətrafında fikir mübadiləsi aparıblar.

İştirakçılar tərəfindən yüksək qiymətləndirilən konfrans, Türk və Şərq musiqi ənənələrinin gələcək inkişaf perspektivlərinin müəyyənləşdirilməsi, elmi və mədəni əlaqələrin möhkəmləndirilməsi, habelə humanitar sahədə beynəlxalq əməkdaşlığın genişləndirilməsi baxımından mühüm platforma kimi dəyərləndirilib.

AzPost.az

Post navigation

Previous: Prezident İlham Əliyev Türkiyə Böyük Millət Məclisinin sədrini qəbul edib
Next: İƏT Parlament İttifaqına sədrlik Azərbaycana keçib

Oxşar xəbərlər

luqet kembric
  • Mədəniyyət

Kembric lüğəti 2026-cı ilin sözünü seçdi – Süni intellekt dövrünün mesajı

User 18 Noyabr 2026 - 13:14
WhatsApp Image 2026-11-15 at 15.34.24 (1)
  • Mədəniyyət

Gəncədə V Kitab Sərgisinin açılış mərasimi olub

User 15 Noyabr 2026 - 16:42
e08
  • Mədəniyyət

50 İLİN HEKAYƏSİ – 30 İLİN SƏSİ

User 13 Noyabr 2026 - 20:52

xƏBƏR

pasinyan parlament
  • Dünya

“Azərbaycanla sülh qurmalıyıq, biz Avstraliyada yaşamırıq” – PAŞİNYAN

User 18 Noyabr 2026 - 18:18
Ermənistanın Baş naziri Nikol Paşinyan Azərbaycanla sülhün təmin edilməsinin ölkəsinin əsas vəzifəsi olduğunu bildirib. O, müxalifətin Azərbaycan...
Read more about “Azərbaycanla sülh qurmalıyıq, biz Avstraliyada yaşamırıq” – PAŞİNYAN
İran Məkkə Paktına qoşulma ilə bağlı qərar verdi mekke-sazisi
  • Dünya

İran Məkkə Paktına qoşulma ilə bağlı qərar verdi

User 18 Noyabr 2026 - 18:10
Bu il 6 vəkil Kollegiyadan xaric olunub, 27 nəfər cərimələnib Azərbaycanda vəkillərin
  • Sosial

Bu il 6 vəkil Kollegiyadan xaric olunub, 27 nəfər cərimələnib

User 18 Noyabr 2026 - 18:00
Ermənistan TRIPP layihəsinin icrasına başlayır – Paşinyan nə dedi? paşinyan
  • Dünya

Ermənistan TRIPP layihəsinin icrasına başlayır – Paşinyan nə dedi?

User 18 Noyabr 2026 - 16:57
Putin və Tramp Çində ayaqüstü söhbət edib – VİDEO putin tramp
  • Dünya

Putin və Tramp Çində ayaqüstü söhbət edib – VİDEO

User 18 Noyabr 2026 - 16:42
  • Haqqımızda
  • Əlaqə
Copyright © Bütün hüquqlar qorunur | ReviewNews by AF themes.