Türkiyə Laçında Azərbaycanla birgə keçirilən təlimlə bağlı məlumat yaydı

07 Sentyabr 2021 - 12:23

Türkiyənin Milli Müdafiə Nazirliyi (MN) Laçın rayonunda Azərbaycanla birgə keçirilən təlimlə bağlı məlumat yayıb.

Türkiyə MN-nin verdiyi xəbərə görə, Türkiyə və Azərbaycan hərbçiləri Laçında “Birgə Komando Hərəkatı” təlimini icra edirlər.

Bildirilib ki, ötən gün başlayan təlim sentyabrın 10-da başa çatacaq.

“Ulu və köklü bir ağacın budaqları olan Türkiyə və Azərbaycan “Bir millət, iki dövlət!” anlayışı ilə tək yumruq olmağa davam edir”, – deyə məlumatda qeyd olunub.