“NATO-dakı müttəfiqlərimizi Ankaranın təhlükəsizliklə bağlı narahatlıqlarına hörmət etməyə çağırırıq”.
Azpost.info xəbər verir ki, bunu Türkiyə prezidenti Rəcəb Tayyib Ərdoğan hakim partiyanın iclasında çıxışı zamanı deyib. “Müttəfiqiksə, o zaman Ankaranın təhlükəsizliyi, sərhədləri ilə bağlı narahatlığına hörmət edilməlidir. Bizə qarşı belə bir münasibətin olmadığını görürük”, – Ərdoğan bildirib.
Onun sözlərinə görə, Türkiyə NATO daxilində hər təklifə “hə” deyə bilməz: “Müttəfiqliyi, müttəfiqlik ruhunu hər zaman dəstəkləyirik. Lakin hər təklifə, Türkiyənin təhlükəsizliyini təhdid edən terrorçuları dəstəkləyən ölkələrlə ittifaqa “hə” deyə bilmərik”.
Azpost.info
