Türkiyə və ABŞ-dan olan beynəlxalq arxeoloqlar qrupu Türkiyənin qərbində qədim yunan şəhəri olan Notionda qazıntılar zamanı qızıl xəzinə tapıb.
Azpost.info bildirir ki, xəzinənin eramızdan əvvəl 5-ci əsrə aid olduğu ortaya çıxıb. Tədqiqatın nəticələri Miçiqan Universitetinin Notion Archaeological Survey (NAS) elmi jurnalında dərc olunub.
Alimlər qazıntıdan qədim Persiya İmperiyasında zərb edilən fars darikləri, qızıl sikkələrlə dolu qab aşkar ediblər. Tarixi mənbələrə görə, bir darik təxminən bir əsgərin bir aylıq maaşına bərabər idi. Arxeoloqlar tapılan darikilərin Notiondan təqribən 97 kilometr aralıda yerləşən Sardisdə buraxıldığını guman edirlər.
Tədqiqatçıların fikrincə, çox güman ki, xəzinə muzdlulara ödəmək üçün nəzərdə tutulubmuş.
Lakin naməlum səbəbdən ödəniş baş tutmayıb.
Mütəxəssislər hesab edirlər ki, eramızdan əvvəl 430-427-ci illər arasında baş verən hadisələr, afinalıların Notionu perslərdən geri alması və pers hakimiyyətinin tərəfdarlarını şəhərdən qovması səbəbindən xəzinə sahibsiz qalıb.
Komanda həmçinin Notion-da eramızdan əvvəl 5-ci əsrə aid çoxlu saxsı qab parçaları və digər artefaktlar aşkar edib.
