ABŞ prezidenti Co Bayden Suriya ilə bağlı fövqəladə vəziyyət rejimini uzadıb.
Azpost.info bildirir ki, prezident bununla bağlı sərəncam imzalayıb.
“Suriyadakı vəziyyət, xüsusən də Türkiyə hökumətinin Suriyanın şimal-şərqində hücum həyata keçirməsi İraq və Suriyada İŞİD-i məğlub etmək kampaniyasına xələl gətirir, mülki əhalini təhlükə altına alır: “Bu isə ABŞ-ın milli təhlükəsizliyi və xarici siyasəti üçün qeyri-adi və fövqəladə təhdid yaradır” -deyə Ağ Evin saytında dərc olunan sərəncamda deyilir.
“Bu səbəbdən, 14 oktyabr 2019-cu il tarixli 13894 saylı Sərəncamla elan edilmiş fövqəladə vəziyyət 14 oktyabr 2023-cü il tarixindən sonra da qüvvədə qalacaq”, – sənəddə qeyd olunur.
Beləliklə, fərmanın müddəti daha bir il uzadılır.