“İsveç və Finlandiya yaxın vaxtlarda Türkiyənin tələblərinə əməl etməsələr, alyansın 28-30 iyun tarixlərində keçiriləcək sammitində NATO üzvlüyünə namizəd statusu ala bilməyəcəklər”.
Azpost.info xəbər verir ki, bunu NATO baş katibi Yens Stoltenberq bildirib. “İsveç və Finlandiya Madriddə keçiriləcək NATO sammitində dəvət olunmuş ölkələr kimi iştirak edə biləcək. Lakin Türkiyənin tələblərini iyun ayına kimi yerinə yetirməsələr, alyansa üzv olmaq istəklərini reallaşdırmaq çətin olacaq”, – baş katib deyib.
Stoltenberq qeyd edib ki, alyans rəhbərliyi Skandinaviya ölkələrinin NATO-ya qoşulması prosesinin sürətləndirilməsində maraqlıdır. Eyni zamanda Türkiyənin də narahatlıqlarını başa düşdüyünü deyən baş katib əlavə edib ki, Ankaranı tələbləri müzakirə edilməli olan müttəfiq kimi görür.
Azpost.info
