Türkmənistan prezidenti Qurbanqulu Berdıməhəmmədov Xalk Maslaxatının (ali nümayəndəlik orqanı) iclasında ikipalatalı parlament sisteminə keçmək təşəbbüsü ilə çıxış edib.
Bu barədə “Report” Türkmənistan Dövlət Agentliyinə istinadən xəbər verir.
“Prezident Qurbanqulu Berdıməhəmmədov ikipalatalı sistemə keçmək və Xalk Maslaxatı və Məclisi (parlament – red.) birləşdirərək vahid nümayəndəlik və qanunverici hakimiyyət orqanı yaratma təşəbbüsünü irəli sürüb”, – məlumatda deyilir.
