Britaniya, Almaniya və Fransa hökumətləri Misir, Qətər və ABŞ liderlərinin İsrail və HƏMAS-ın Qəzzada atəşkəslə bağlı danışıqları bərpa etmək çağırışını dəstəkləyib.
Azpost.info xəbər verir ki, bu barədə Böyük Britaniyanın baş naziri Key Starmer, Almaniya kansleri Olaf Şolts və Fransa prezidenti Emmanuel Makron birgə bəyanatda bildiriblər.
“Biz Qətər əmiri Şeyx Təmim bin Həməd Al Tani, Misir prezidenti Əbdülfəttah əs-Sisi, ABŞ Prezidenti Co Baydenin danışıqların dərhal bərpasına çağıran birgə bəyanatını dəstəkləyirik. Döyüşlər indi dayandırılmalı və HƏMAS-ın saxladığı bütün girovlar azad edilməlidir. Qəzza xalqının təcili və maneəsiz yardımın çatdırılmasına və paylanmasına ehtiyacı var”, – bəyanatda qeyd olunub.
Azpost.info
