“Üç həftəyə dünyanın bütün neft anbarları dolacaq” –

"Goldman Sachs"dan açıqlama
27 Aprel 2020 - 11:44

Qlobal miqyasda artan neft tədarükü ən azı üç həftə ərzində anbarların tutumunun dolmasına səbəb ola bilər.

Bu barədə ABŞ-ın qabaqcıl investisiya banklarından olan “Goldman Sachs” məlumat yayıb.

Banka görə, treyderlər, emal zavodları və infrastruktur təminatçıları Avropanın neft paylama mərkəzi və neft boru kəmərləri ətrafındakı ən kiçik boşluqlar da daxil olmaqla öz neftlərini saxlayacaq yerlər axtarırlar.

ABŞ-ın xam neft fyuçersləri üçün paylama mərkəzi olan Oklahoma ştatının Cushing şəhərində də anbarlar sürətlə dolur və bu, Birləşmiş Ştatların neftinin qiyməti üzərində təzyiqi artırır.