“Elnur Əliyevdən əvvəl nazir postunu tutanlar ilk baxışdan mədəni insanlara oxşayırdılar. Onlar Azərbaycan mədəniyyətinə barbar davranışı nümayiş etdirdilər. Səttar Bəhlulzadə adına Rəsm Qalareyisının qarşısında polyak heykəltaraşının yaratdığı “Uçan göyərçinlər” barelyefini satan nazirdən nə gözləyəsən? Mədəniyyət naziri Tarixi binaları laqondanın ağzına verən fəhlə səviyyəsində mədəniyyəti bilib”.
Azpost.info bildirir ki, bu sözləri Milli Məclisin deputatı Etibar Əliyev Mədəniyyət nazirliyindəki son kadr dəyişikliklərini şərh edərkən bildirib.
“Mədəniyyət nazirliyində islahatlar aparılır. Mədəniyyətdə islahatlar vacibdir. İslahatların istiqamətlərindən biri insan kapitalını inkişaf etdirməkdir. Ölkədə kinonun, kitabxananın, teatrın, muzeylərin vəziyyətini bilirik. Həqiqətən vəziyyət çox acınacaqlıdır”- deyə deputat vurğulayıb.
Deputat deyib ki, “mədəniyyət” və “sivilizasiya” məfhumları bir-biri ilə sıx bağlıdır, çox vaxt bir-birindən fərqləndirilmir və eyniyyət təşkil edirlər. Hər bir xalqın mədəniyyətində oxşar əlamət və cizgilər vardır: milli özünəməxsusluq və orijinallıq, təkrarolunmazlıq, unikallıq, dəyişkənlik və yenilik, özündənrazılıq, tənqidi və yaradıcılıq başlanğıcları, özlüyündə dəyərlilik, yüksək ideallara can atmaq və s. Bunlar bizim mədəniyyətimiz üçün də spesifikdir.
“Bunları gələcəkdə qoruyub saxlamaq və nəfəs vermək üçün Mədəniyyət Nazirliyində geniş islahatlara ehtiyac var. Beləliklə, “sivil nazir” obrazı dağıldı. Tanıdığımız bir neçə qurumda yüksək təhsil görmüş, adları heç bir neqativ işlərdə hallanmayan gənclər irəli çəkilib. Mədəniyyət nazirliyində isə həbs olunanlar gənclərdir”-deyə deputat bildirib.
