Ucar rayonunda azyaşlı maşında yanaraq ölüb.
APA-nın yerli bürosunun xəbərinə görə, hadisə bu gün günorta saatlarında rayonun Təzə Şilyan kəndində baş verib. Kəndə qonaq gələn 1971-ci il təvəllüdlü Qadir Qoca oğlu Hacıyevə məxsus “VAZ-2106” minik avtomobili həyətdə dayandığı yerdə anidən alışaraq yanıb. Hadisə zamanı maşında olan 2006-cı il təvəllüdlü İsmət Hikmət oğlu Kərimovda yanaraq ölüb.
Hadisə yerinə FHN-nin Ucar Rayon Yanğından Mühafizə Hissəsinin texnikası və canlı qüvvəsi cəlb olunub. Yanğın söndürülüb. Fakt araşdırılıb.
