Avropa Komissiyası Ukraynanın Aİ-yə daxil olması ilə bağlı danışıqların başlanmasının təsdiqlənməsi prosedurunu sürətləndirmək istəyir. Həmçinin hesab edir ki, Kiyev hakimiyyəti dekabrın ortalarında keçiriləcək sammitə qədər bütün tələbləri yerinə yetirə biləcək.
Azpost.info xəbər verir ki, bu barədə “Le Monde” qəzetinə müsahibəsində Avropa Komissiyası rəhbərinin müavini Vera Yurova deyib.
Avrokomissarın sözlərinə görə, Ukrayna üçün Aİ-yə qapılar tədricən açılmalıdır: “Dekabrın ortalarında keçirilən sammitdə Aİ-yə qəbulla bağlı siyasi razılaşmanın əldə edilməsinə dair müzakirə başladılmalıdır. Mən Kiyevdən yeni qayıtmışam və gördüklərimə görə, korrupsiyaya qarşı mübarizə və azlıqların müdafiəsi baxımından hələ çox iş görülməlidir. Bununla belə, Ukrayna qərarlıdır və dekabrın ortalarına qədər hazır olacaq. İki həftəyə Avropa Komissiyası Avropa liderlərinə Ukraynanın üzvlük danışıqlarının dərhal başlaması üçün bütün şərtlərə cavab verdiyi barədə məlumat verəcək”.
Azpost.info
