Yekaterinburqda “Wildberries” şirkətinin logistika kompleksinə hücum edilib. Bu barədə “ASTRA”nın OSINT təhlilinə istinadən məlumat yayılıb.
Bundan əvvəl Rusiyanın Federal Hava Nəqliyyatı Agentliyi (Rosaviasiya) Yekaterinburqdakı Koltsovo hava limanında təyyarələrin qəbulu və yola salınmasına müvəqqəti məhdudiyyətlər tətbiq edib.
Bundan başqa, Sverdlovsk vilayətinin qubernatoru Denis Pasler regionda “dron təhlükəsi” rejimi elan edib.
Daha sonra şirkət hücumu təsdiqləyib.
“Şirkətin Sverdlovsk vilayətinin Yekaterinburq şəhərində yerləşən logistika obyektində yanğınsöndürən briqadalar işləyir. Hücum nəticəsində yanğın baş verib. Obyektdə əvvəlcədən təxliyə həyata keçirilib. Cari tədarüklərin qəbulu müvəqqəti olaraq məhdudlaşdırılıb və digər obyektlərə yönləndirilib”, – şirkətin açıqlamasında bildirilib.
