Xəzər Universitetinin Direktorlar və Qəyyumlar Şurasının üzvlərinin və rektorunun təqdimat mərasimi keçiriləcək.
17 oktyabr 2025-ci il tarixində universitetin Neftçilər korpusundakı Mərmər Salonda keçiriləcək tədbirdə universitetin təsisçisi və ilk rektoru, Direktorlar və Qəyyumlar Şurasının sədri professor Hamlet İsaxanlı, eləcə də Şura üzvləri, akademik heyət, diplomatik korpusun nümayəndələri, məzunlar və digər qonaqlar iştirak edəcəklər.
Mərasimdə Xəzər Universitetinin tarixi və dəyərləri, eyni zamanda yeni rəhbərliyin qarşıya qoyduğu məqsəd və hədəflər haqqında məlumat veriləcək. Tədbir zamanı Direktorlar və Qəyyumlar Şurasının üzvlərinə sertifikatlar təqdim ediləcək, universitetin Kamera Orkestri və Rəqs Ansamblı tərəfindən bədii proqram nümayiş olunacaq.
Yeni rektor Dr. Raziyə İsayevanın çıxışı universitetin gələcək fəaliyyət istiqamətlərini və inkişaf prioritetlərini əhatə edəcək.
