Xalq artisti Səməd Səmədov vəfat edib.
Bu barədə APA-ya xalq artistinin qrupunun solisti Tural Qismət məlumat verib.
Qeyd edək ki, S. Səmədov bu gün koronavirusdan dünyasını dəyişib.
əbər verdiyimiz kimi, Xalq artisti Səməd Səmədov bu gün 74 yaşında müalicə aldığı Yeni Klinikada dünyasını dəyişib.
“Qafqazinfo”ya açıqlama verən klinikanın reanimatoloqu Emil Qasımov ifaçının ölüm səbəbi barədə danışıb.
O bildirib ki, S.Səmədov ötən gecə klinikaya çox ağır vəziyyətdə gətirilib:
“Xəstə çox ağır vəziyyətdə tənəffüs çatışmazlığı ilə reanimasiya şöbəsinə yerləşdirildi. Ona lazımi dəstək müalicəsi göstərildi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı aşkarladıq. Kreatin dəyərləri iki yarım dəfə yüksəlmişdi. Xəstənin sidik çıxışları demək olar ki, yox idi. 15-16 saat xəstəni renimasiyada saxlaya bildik. Bütün səylərə baxmayaraq, xəstəmizdə ürək dayanması baş verdi. Ölüm səbəbi olaraq sepsis və septik şok təsbit etdik”.
Qeyd edək ki, Səməd Səmədovun koronavirusdan vəfat etdiyi bildirilirdi.
