“Yaponiya Rusiya ilə ərazi problemini sülh müqaviləsi ilə həll etməyə doğru gedir”.
Azpost.info xəbər verir ki, bunu Yaponiyanın xarici işlər naziri Yoko Kamikava mətbuat konfransında bildirib.
Onun sözlərinə görə, Tokio Kuril adalarının keçmiş sakinlərinin əcdadlarının məzarlarını ziyarətlərini bərpa etmək istəyir.
“Yaponiya hökuməti Kuril adalarının keçmiş sakinlərindən öz əcdadlarının məzarlarını ziyarət etməklə bağlı müraciətlər alır. İndi hakimiyyət bu sualla bağlı öz vətəndaşlarına konkret cavab verə bilmir”, – XİN rəhbəri qeyd edib.
Onun sözlərinə görə, Yaponiya hökuməti ərazi probleminin həlli və sülh müqaviləsinin imzalanması siyasətinə sadiq qalmaq niyyətindədir.
Azpost.info
