“Yaponiya hökuməti Ukraynanı azadlığının və müstəqilliyinin müdafiəsində, eləcə də ərazi bütövlüyünün bərpasında dəstəkləməyə hazırdır”.
Azpost.info xəbər verir ki, bunu Tokioda keçirilən konfransda Yaponiya Baş naziri Fumio Kişida bildirib.
Onun sözlərinə görə, Yaponiya Ukrayna iqtisadiyyatını sabitləşdirmək üçün uzunmüddətli yardım göstərəcək.
Ukrayna Baş naziri Denis Şmıqalın da iştirak etdiyi tədbirdə tərəflər infrastrukturun bərpası, həmçinin minalardan təmizləmə sahəsində əməkdaşlıq və kənd təsərrüfatı sahəsində əməkdaşlıq haqqında sazişlər imzalayıblar.
“Biz biznes strukturları arasında əlaqələr qururuq, hökumətlərarası dialoqu gücləndiririk. Qarşıda çoxlu razılaşmalar və səmərəli görüşlər var”, – Şmıqal deyib.
Azpost.info
