Antioksidantla zəngin məhsullar qocalmanı ləngidə bilər. Söhbət mavi və bənövşəyi giləmeyvələrdən, məsələn, qaragilə, qarağat, qırmızı üzümdən gedir.
Bundan başqa, alma və sitrus meyvələri, həmçinin zəncəfil, ədviyyatlar və qara şokolad da antioksidantlarla zəngindir.
“Tərəvəz və meyvələrdə, xüsusilə alma və sitrus meyvələrində çoxlu antioksidant var. Paxlalılar, qoz-fındıq və günəbaxan tumları da antioksidantla zəngindir. Soğan, sarımsaq və ədviyyatlar da bu siyahıya daxildir”, – mütəxəssislər bildirir.
Bu məhsullar orqanizmin xəstəliklərə və qocalmasına səbəb olan bir çox patoloji proseslərin qarşısını alır.
Mütəxəssislər onu da deyirlər ki, giləmeyvə, tərəvəz və meyvələri təzə-təzə və xırda doğranmamış yemək vacibdir. Çünki bu halda antioksidantlar işıq, temperatura məruz qalıb keyfiyyətini itirmir.
“Kələm, xiyar, pomidor turşusu və bir çox başqa turşular mikrofloraya müsbət təsir göstərdiyinə görə çox faydalıdır. Cənubi Koreyalıların uzunömürlülüyünün əsasən fermentləşdirilmiş qidalarla zəngin pəhrizlərinin nəticəsi olduğuna dair sübutlar var”, – həkimlər xatırladır.
Azpost.info
