Oksford və Pekin Universitetinin alimləri müəyyən ediblər ki, yoldan gələn səs-küy qan təzyiqinin göstəricilərinə təsir edə bilər.
Azpost.info xəbər verir ki, elmi araşdırmaya görə, səs-küylü yolların yaxınlığında yaşayan insanlar hipertoniyaya (yüksək qan təzyiqi) daha çox meyllidirlər.
“Tədqiqatın nəticələri göstərdi ki, səs-küylü yolların yaxınlığında yaşayan insanlar evi sakit ərazidə olanlara nisbətən hipertoniyaya daha çox meyllidirlər. Alimlər həmçinin aşkar ediblər ki, hipertoniyanın inkişaf riski yol səs-küyünün artması ilə artır”, – alimlər bildirirlər.
Araşdırma 40-69 yaşlı 240 min insanı əhatə edib. Onların həyat tərzi, səhhəti, yaşayış yeri öyrənilib. Təcrübədən əvvəl insanlarda hipertoniya olmayıb.
Tədqiqatçılar ümid edirlər ki, onların məlumatları insanlara öz sağlamlıqlarının qayğısına qalmağa kömək edəcək. Alimlər səs-küy səviyyələrini məhdudlaşdırmaq üçün şəhər mühitinin yaxşılaşdırılmasını, eləcə də sakit nəqliyyat yaratmaq üçün texnologiyalara sərmayə qoymağı təklif edirlər.
Azpost.info
