“Vladimir Zelenski Ukraynaya xarici qoşunların göndərilməsini heç vaxt xahiş etməyib”.
Azpost.info xəbər verir ki, bunu Ağ Evdə Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.
“Ukrayna lideri Rusiyanın təcavüzünə müqavimət göstərmək üçün Ukrayna ordusuna imkanlar yaratmağı xahiş edir”, – Kirbi bildirib.
Kirbi bu açıqlaması ilə jurnalistin Ağ Evin Fransa prezidenti Emmanuel Makronun sözlərinə necə baxması ilə bağlı sualına cavab verib. Makron deyib ki, gələcəkdə Qərbin quru qoşunlarının Ukraynaya göndərilməsini istisna etmir. Makron Aİ ölkələrini qorxaq olmamağa və özləri üçün heç bir məhdudiyyət qoymadan Kiyevi dəstəkləməyə çağırıb.
“Prezident Makronun sözlərini qiymətləndirmək fikrində deyiləm. Onun, şübhəsiz ki, öz yerinə danışmaq hüququ var. Mən öz prezidentimizin adından danışa bilərəm. Prezident Bayden açıq şəkildə bildirdi ki, son bir neçə il ərzində Ukraynanı dəstəkləmək üçün son dərəcə güclü liderlik nümayiş etdirmiş, beynəlxalq səylərə rəhbərlik etmişik. İndi Konqresdən kömək lazımdır ki, onlar əlavə maliyyəni təsdiq etsinlər və biz daha çox dəstək göstərək”, – Kirbi qeyd edib.
Azpost.info
