Ukrayna prezidenti Vladimir Zelenski Amerika Birləşmiş Ştatlarının prezidenti Donald Trampa müraciət edərək onu Ukraynaya səfərə dəvət edib. AzPost xəbər verir ki, bu barədə AFP agentliyi məlumat yayıb.
Zelenski jurnalistlərlə söhbətində deyib ki, Amerika lideri Kiyevə səfərindən sonra Rusiya prezidenti Vladimir Putinin nə etdiyini anlayacaq.
“Hər hansı qərar qəbul etməzdən və ya danışıqlardan əvvəl, xahiş edirəm, Ukraynaya gəlin: “Uşaqlara, insanlara, mülki şəxslərə, hərbçilərə, xəstəxanalara və kilsələrə baxın”, – deyə Zelenski bildirib.
