Günəbaxan
Türkiyənin Edremit Peşə Yüksək Məktəbinin Zeytunçuluq bölməsinin dosenti, zeytun üzrə mütəxəssis Mücahit Kıvrak sofralıq zeytun alarkən diqqət edilməli əsas məqamları açıqlayıb. AzPost xəbər verir ki, onun sözlərinə görə, zeytunun keyfiyyəti istehsal olunduğu bölgə, emal və saxlanma prosesi ilə sıx bağlıdır. Buna görə də alış zamanı həm məhsulun görünüşünə, həm də qablaşdırma üzərindəki məlumatlara diqqət yetirmək vacibdir.
Kıvrak sərt və bərkiyən qabıqlı zeytunun gəmirildikdə ağızda asan parçalanmalı olduğunu bildirir. Uzman deyir ki, meyvənin tumundan ətin tamamilə ayrılması keyfiyyət göstəricisidir. Tum rənginin qəhvəyi olması da normal hesab olunur. Həmçinin çox duzlu zeytunların üst-üstə yeyildikdə boğazda yanma hissi yaratdığını, buna görə duzluluq səviyyəsinin də mülayim olmasının məqsədəuyğun olduğunu qeyd edib.
Uzman, paketlənmiş məhsul alarkən etiketdə istehsal və son istifadə tarixi, qida dəyərləri və emal üsullarının göstərilməsinin vacibliyini vurğulayıb. Onun sözlərinə görə, şişmiş və qabarmış paketlər mütləq şəkildə alınmamalıdır:
“Bu hal zeytunu xarab edən mikroorqanizmlərin çoxaldığını və məhsulun lazımi emal mərhələsindən keçmədiyini göstərir. Teneke və şüşə qablarda olan məhsullarda pasterizə və ya sterilizasiya məlumatı mütləq göstərilməlidir.”
Kıvrak həmçinin şəffaf plastik və ya şüşə qablaşdırılmış zeytunlarda salamura suyunun duru və zeytunların ölçülərinin bir-birinə uyğun olmasının keyfiyyət göstəricisi olduğunu bildirib. Açıq satılan məhsullarda isə çeşid və şirkət adının yazılması istehlakçı üçün vacib təminat sayılır.
Mütəxəssis əlavə edib: “Zeytun nə qədər az duzlu olsa, o qədər yaxşıdır, lakin saxlama müddəti qısalır. Təbii və az duzlu zeytunlarda sap dibində ağ ləkə ola bilər. Bu su ilə yuyulduqda çıxır və zərərsizdir. Hər zeytun növü fərqlidir, bu səbəbdən tumların da fərqli görünməsi istehlakçını çaşdırmamalıdır.”
