Günəbaxan
Zeytun yağı Aralıq dənizi diyetasının ən vacib komponentidir və sağlamlığın açarı hesab olunur. AzPost bildirir ki, İtaliyanın Napoli Universitetindən qastronom və dietoloq Lucia Romano La Repubblica-ya müsahibəsində zeytun yağının faydalarını açıqlayıb.
Romano bildirib ki, zeytun yağı ürək xəstəlikləri riskini azaldır, iltihabları azaldır və antioksidantlarla zəngindir. Onun sözlərinə görə, yüksək keyfiyyətli ekstra zeytun yağı mətbəxdə həm dad, həm də sağlamlıq üçün vacibdir.
Mütəxəssis əlavə edib ki, zeytun yağı tərkibində olan omega-9 yağ turşuları beyin funksiyasını yaxşılaşdırır və xolesterinin azalmasına kömək edir. Romano təzə tərəvəzlərlə birlikdə zeytun yağı istifadəsini tövsiyə edir.
O, həmçinin qeyd edib ki, zeytun yağını orta temperaturda istifadə etmək daha faydalıdır, yüksək temperatur yağın tərkibini poza bilər.
