“Bizə demokratiya bayramı yaşadan millətimə təşəkkür edirəm”.
Cümhur İttifaqının namizədi Rəcəb Tayyib Ərdoğan İstanbulda çıxışı zamanı bildirib.
O, seçki məntəqələrinə gedib iradəsini qoyan vətəndaşlarına təşəkkür edib: “Vətəndaşlarımızı, gənclərimizi, partiyadaşlarımızı təbrik edirəm. Qarşıdakı 5 il boyunca ölkəni bizə etibar edən hər bir vətəndaşımıza təşəkkür edirəm. İnşallah, sizin etimadınıza layiq olacağıq. 21 il necə olmuşuqsa, indi də elə olacağıq”.
“Mən öz seçimi ilə növbəti 5 ildə ölkəni idarə etmək məsuliyyətini bir daha bizə həvalə edən millətimizin hər bir üzvünə təşəkkür edirəm” – Ərdoğan vurğulayıb. (APA)
