Türkiyə prezidenti Rəcəb Tayyib Ərdoğan G20 sammiti çərçivəsində Meksika, İndoneziya, Cənubi Koreya, Avstraliya liderləri ilə görüşdə BMT Təhlükəsizlik Şurasında islahatlara çağırıb.
Azpost.info xəbər verir ki, Ərdoğan beynəlxalq təşkilatların problemlərin həlli yollarını tapa bilməməsinə işarə edib.
“Təəssüf ki, dünyada ədalətsizlik artsa da, beynəlxalq təşkilatların bu problemlərə həll yolu tapmaq imkanları getdikcə azalır. Ona görə də biz dünyanın beşdən böyük olduğuna inanır və bunu hər fürsətdə dilə gətiririk”, – Ərdoğan deyib.
Onun sözlərinə görə, beynəlxalq təşkilatları daha ədalətli, demokratik, şəffaf, hesabatlı və effektiv etmək lazımdır.
Azpost.info
