Bakıdakı hipermarketdə bu gün baş verən atışma hadisəsi ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasına 12:21 radələrində çağırış daxil olub.
Bu barədə TƏBİB-dən APA-nın sorğusuna cavab olaraq bildirilib.
Hadisə nəticəsində xəsarət alan 2 nəfər TƏBİB-in tabeliyindəki Sabunçu Tibb Mərkəzinə təxliyə edilib. Hazırda onlara zəruri tibbi xidmət göstərilir.
1 nəfər hadisə yerində dünyasını dəyişib.
Qeyd edək ki, bu gün günorta saatlarında Bakının Xətai rayonunda yerləşən hipermarketdə silahlı insident olub.
