Rusiya Britaniyanın xarici işlər naziri Ceyms Kleverli və Baş Qərargah rəisi Patrik Sandersin ölkəyə girişinə qadağa qoyub.
Azpost.info xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Zaxarova xatırladıb ki, ümumilikdə 36 britaniyalı məmur və təhlükəsizlik işçisinin adı Rusiyanın “stop siyahısı”na daxil edilib.
Onun sözlərinə görə, Rusiya XİN ölkəyə girişi qadağan olunmuş britaniyalıların tam siyahısını dərc etməyi məqsədəuyğun hesab etmir:
“Britaniya rəhbərliyi söhbətin kimlərdən getdiyini başa düşür. Birləşmiş Krallığın rəsmi orqanları tərəfindən hələ də bu məsələyə maraq olarsa, o zaman biz Britaniya hakimiyyətini və ictimaiyyətini məlumatlandırmağa hazır olacağıq. Ölkəmizə qarşı düşmən mövqeyi tutanların, onu beynəlxalq səviyyədə təcrid etməyə çalışıb ikitərəfli münasibətlərin bünövrəsini məhv edənlərin kimlər olduğunu açıqlayacağıq”.
Azpost.info