Yaponiya ən qısa zamanda 400 rusiyalıya, eləcə də bu ölkənin 20 təşkilatına qarşı sanksiya tətbiq edəcək.
Azpost.info xəbər verir ki, bunu Yaponiyanın baş naziri Fumio Kişida bildirib.
Onun sözlərinə görə, “qara siyahıda” Rusiya siyasətçiləri, Dövlət Dumasının deputatları və ayrı-ayrı hərbçilər var. Sanksiyaya məruz qalacaq təşkilatlar əsasən hərbi sahə ilə bağlıdır. “Biz həmçinin Rusiya banklarına, xüsusən də “Sberbank” və “Alfa-Bank”a qarşı sanksiyaları genişləndiririk”, – baş nazir deyib.
Yaponiya eyni zamanda Rusiyadan ağac, araq və bir sıra texnikanın idxalına məhdudiyyətlər tətbiq edəcək. Gələcəkdə Rusiyadan kömür idxalına da embarqo qoyula bilər.
Azpost.info
