Fuad Kimya Servis
Özünü poilis general-mayoru kimi təqdim edərək vətəndaşların 61 700 manatını dələduzluq yolu ələ keçirməkdə təqsirləndirilən Elvin Babazadənin məhkəməsi başlayır.
Qaynarinfo-nun məlumatına görə, işə Nəsimi Rayon Məhkəməsində baxılacaq.
Yanvarın 24-nə iş üzrə məhkəmə hazırlıq iclası təyin edilib. İclas hakim Anar İbadzadənin sədrliyi ilə keçiriləcək.
Elvin Babazadə ötən ilin yayında polis əməkdaşlarının keçirdiyi əməliyyat nəticəsində saxlanılıb.
DİN-nin həmin vaxt yaydığı açıqlamaya görə, araşdırma zamanı müəyyən edilib ki, Bakı sakini, əvvəllər məhkum olunmuş Babazadə Elvin Firudin oğlu özünü ali rütbəli (general-mayor) əməkdaş kimi təqdim edərək insanların pul vəsaitlərini ələ keçirib.
Cari ilin aprel-may ayları ərzində ayrı-ayrı zərərçəkənlərə müxtəlif vədlər verərək onların ümumilikdə 61700 manatını dələduzluq yolu ilə talayıb.
Faktla bağlı Elvin Babazadə barəsində Cinayət Məcəlləsinin 178.2.2-ci (Dələduzluq – təkrar törədildikdə) maddəsi ilə maddəsi ilə cinayət işi başlanılıb və məhkəmə qərarı ilə barəsində həbs qətimkan tədbiri seçilib.
Elvin Babazadənin cinayət işi üzrə 4 nəfər zərərməkmiş qismində tanınıb.
