Boğmaq
Yaponiya mediası daha bir dəhşətli məişət zorakılığı hadisəsini işıqlandırıb. AzPost Japan Today-ə istinadla xəbər verir ki, Yokohama şəhərində yerləşən kiçik restoranın 74 yaşlı sahibi 29 yaşlı birlikdə yaşadığı qadını boğaraq həyatına son qoyub. Hadisə Kanaqava prefekturasında, restoranın üstündə yerləşən mənzildə baş verib.
İlkin məlumatlara görə, insident 13 noyabr səhəri yaşanıb. Yaşlı kişi gənc qadına hücum edərək onu boğmağa başlayıb. Polis qeyd edib ki, onların arasında qohumluq əlaqəsi olmayıb, birlikdə yaşayıblar.
Cinayətdən sonra kişi özü təcili yardıma zəng edərək hadisəni bildirib. Həkimlər qadını huşsuz vəziyyətdə taparaq xəstəxanaya çatdırıblar, lakin onun həyatını xilas etmək mümkün olmayıb.
İstintaq zamanı 74 yaşlı şübhəli törətdiyi əməli etiraf edib. O, qadının tez-tez “yaşamaqdan yorulduğunu” dediyini və buna görə ona “kömək etmək istədiyini” söyləyib.
Polis hadisənin motivlərini araşdırır. Hazırda şübhəli saxlanılıb və barəsində cinayət işi açılıb. Hadisə Yaponiya ictimaiyyətində geniş rezonans doğurub və yaşlı-cavan münasibətlərində məişət zorakılığının təhlükəli tərəflərini yenidən gündəmə gətirib.
