“Belə etmək olmaz. Bu qədər hərbi və iqtisadi yardım göstərən, təhlükəsizlik qarantı olması istənilən ölkəyə “prezident gəlməsin” deyilə bilməz”.
Azpost.info xəbər verir ki, bunu Almaniya kansleri Olaf Şolts ZDF telekanalına müsahibəsində deyib.
Şoltsun sözlərinə görə, Ukrayna prezidenti Vladimir Zelenskinin almaniyalı həmkarı Frank-Valter Ştaynmayeri Kiyevdə qəbul etməkdən imtina etməsi onun Kiyevə səfərinə imkan vermir.
Kanslerin fikrincə, Ukrayna liderinin Ştaynmayerlə görüşmək istəməməsi xüsusi hadisədir: “Ukrayna hakimiyyəti səhv hərəkət edir”.
Aprelin 12-də Almaniyanın “Bild” nəşri Ukraynanın hökumət dairələrindəki mənbəyə istinadən yazıb ki, Zelenski Moskva ilə yaxınlığı səbəbindən Almaniya prezidenti Frank-Valter Ştaynmayeri Kiyevdə qəbul etməkdən imtina edib. Ştaynmayer aprelin 13-də Avropa İttifaqın ölkələrinin nümayəndə heyətləri ilə birlikdə Ukraynaya səfər etməyi planlaşdırırdı.
Azpost.info
