“Hərbi əməliyyatların başlanğıcında müəyyən səhvlərə və nöqsanlara yol verildi”.
Azpost.info xəbər verir ki, bunu Çeçenistan lideri Ramzan Kadırov deyib.
“İndi vəziyyət sakitdir, biz plana uyğun gedirik. Prezident bizə tapşırıq verib, onu yüz faiz yerinə yetiririk”, – Kadırov bildirib. Onun sözlərinə görə, Rusiya Ukraynaya yox, NATO-ya qarşı vuruşur. Kadırov bu mövqeyini NATO ölkələrinin Ukrayna ordusunu silahlandırması ilə izah edib.
Çeçenistan lideri Rusiyada səfərbərlik ehtimalı ilə bağlı sualı da cavablandırıb. “Mənə çoxlu suallar verilir ki, səfərbərlik olacağı doğrudurmu? Cavab verirəm ki, heç kim səfərbərlik elan etməməlidir. Hamımız səfərbər olmalı, prezidentimizin ətrafında birləşib dövlətimizin təhlükəsizliyini təmin etməliyik. Vətənpərvərlik budur”.
Azpost.info
