“Qırğızıstan hakimiyyəti yaxın vaxtlarda Tacikistanla sərhəddəki mübahisəli ərazilərlə bağlı bütün məsələləri həll etməyi nəzərdə tutur”.
Azpost.info xəbər verir ki, bunu Bişkekdə keçirilən xalq qurultayında Qırğızıstan dövlət başçısı Sadır Japarov deyib.
“Bizim əsas məqsədimiz hər hansı çətinliklərə baxmayaraq, bir hökumətdən digərinə keçən bütün sərhəd problemlərini gələcək nəsillərə buraxmadan həll etməkdir. İndi biz qonşu Tacikistanla sərhəd məsələlərini tam şəkildə həll etməyə başlamışıq və bütün səylərimizi göstəririk ki, onları ən qısa müddətdə tamamlayaq”, – Japarov bildirib.
Onun sözlərinə görə, koronavirus pandemiyası, eləcə də ondan sonrakı qlobal siyasi və iqtisadi hadisələrdən sonra respublika mənfi nəticələrlə üzləşib: “Bütün ölkələrdə, o cümlədən Qırğızıstanda yeni təhlükələr və problemlər yaranıb. Bunlardan biri təhlükəsizlik məsələsidir. Dövlətimizin bütövlüyünü təhdid edən son hadisələr (Tacikistanla sərhəddə baş verən münaqişə) hər kəsi həyəcanlandırıb və narahat edib. Faciəli hadisələrin əsas səbəbi sərhəd xətlərinin dəqiqləşdirilməsi prosesinin başa çatdırılmaması və uzun müddət davam etməsi olub”.
Azpost.info
