“Ukrayna ordusu əks-hücum əməliyyatının finiş xəttinə daxil olur”.
Azpost.info xəbər verir ki, bunu Ukrayna müdafiə naziri Aleksey Reznikov bildirib.
Eyni zamanda o, “necə, harada və nə vaxt” qərarının Baş Qərargah rəsisi Valeri Zalujnı və komandasının səlahiyyətində olduğunu vurğulayıb.
“Bu gün biz “hər şey hazırdır” deyə biləcəyimiz o finiş xəttinə daxil oluruq”, – Reznikov qeyd edib.
O əlavə edib ki, Ukrayna cəbhədə uğur qazanmaq üçün əlindən gələni edir.
Nazir Ukrayna Silahlı Qüvvələrinin uğurlarına inandığını vurğulayıb, lakin qeyd edib ki, hər şey döyüş meydanındakı generallardan və bütövlükdə komandanlıqdan asılı olacaq.
Azpost.info
