“Kaxovka SES-in bəndinin dağılması Ukraynanın əks-hücum planlarına təsir etməyəcək”.
Azpost.info xəbər verir ki, bunu Ukrayna prezidenti Vladimir Zelenski bildirib.
“Bəndin dağıdılması Ukraynanın öz ərazilərini işğaldan azad etmək qabiliyyətinə təsir etməyəcək. Biz cəbhədəki vəziyyəti və Ukrayna Silahlı Qüvvələrinin hərbi əməliyyatlar keçirməyə hazırlığını ətraflı təhlil etmişik. Hazırlıq maksimum səviyyədədir”, – Ukrayna lideri deyib.
“Stratpoints Fondu”nun hərbi eksperti, Polşa ordusunda əks-kəşfiyyat idarəsinin keçmiş rəisi Matsey Matısyakın fikrincə, bəndin dağıdılması nəticəsində yaranan daşqın Ukrayna ordusunun tanklar və piyada döyüş maşınları da daxil olmaqla ərazidə ağır silahlardan istifadə etməsinə bir ay ərzində mane olacaq.
Onun sözlərinə görə, hücum zamanı Ukrayna qoşunları su basmış ərazilərdən yan keçməli olacaq.
Azpost.info
