“Hazırda NATO Belarusda “Vaqner”in mövcudluğunu görmür”.
Azpost.info xəbər verir ki, bunu NATO Baş katibi Yens Stoltenberq Vilnüsdə keçirilən sammitdə bildirib.
Onun sözlərinə görə, hərbi-siyasi blok vəziyyəti yaxından izləyir. Çünku bu, Baltikyanı ölkələrdə təhlükəsizliyin təmin edilməsi üçün vacibdir.
“NATO hələlik “Vaqner” qrupunun Belarusda yerləşdirilməsinə dair heç bir əlamət görmür. Alyans vəziyyəti diqqətlə izləyir, bunun Baltikyanı ölkələrin təhlükəsizliyinin təmin edilməsi üçün nə qədər vacib olduğunu anlayır”, – Stoltenberq qeyd edib.
İyunun 24-də axşam Belarus prezidenti Aleksandr Lukaşenko bildirib ki, Rusiya prezidenti Vladimir Putinlə razılığa əsasən, “Vaqner”in qurucusu Yevgeni Priqojinlə danışıqlar aparıb. Nəticədə Priqojin özəl hərbi şirkətin döyüşçülərinin Rusiya ərazisindən keçməsinin dayandırılması və gərginliyin azaldılması üçün əlavə addımların atılması təklifi ilə razılaşıb.
Azpost.info
