İsraillə HƏMAS arasında bu gün üçün nəzərdə tutulan girov mübadiləsi baş tutmayıb. Proses ən azı bir gün gecikəcək.
Azpost.info xəbər verir ki, bu barədə İsrailin milli təhlükəsizlik müşaviri Tsaxi Haneqbi bildirib.
Onun sözlərinə görə, buna səbəb HƏMAS-ın girovlar haqqında bütün lazımi məlumatları təqdim etməməsidir.
Prosedur tərəflər arasında ilkin razılaşmaya əsasən gerçəkləşəcək, lakin cümə günündən tez başlamayacaq.
Razılaşmaya əsasən, yaraqlılar oktyabrın 7-də İsrailə hücum zamanı əsir götürülən 50 qadın və uşağı azad etməlidir. Bunun müqabilində 150 fələstinli İsrail həbsxanalarından azad ediləcək.
Azpost.info
