Sağlamlıq hər bir fərdin hüququdur, yəni bu, insan hüquqlarından biridir.
Bunu Bakıda keçirilən IX Qlobal Bakı Forumu çərçivəsində BMT Baş katibin müavini, UNAİDS-in icraçı direktoru Vinnie Byanyima panel müzakirə zamanı deyib.
“Biz, birinci növbədə, hazırda mövcud olan xəstəliklərin aradan qaldırılmasına təşəbbüs göstərməliyik. Dünyada hər həftə 4 min gənc qadın yoluxucu xəstəliklərə yoluxur, dəqiqəbaşı isə biri vəfat edir. Dünyada 14 milyon civarında QİÇS xəstəliyindən əziyyət çəkən var. Onun çox az qismi, təqribi, 1,4 milyonu müalicə alır”, – o əlavə edib.
İcraçı direktorun sözlərinə görə, Azərbaycan bu yöndə ölümlərin, yoluxmaların qarşısını almaqda davamlı mübarizə aparan ölkədir.
“Statistika göstərir ki, Afrikada 15-24 yaşlı qadınların dördündən üçü bu cür xəstəliklərə yoluxmaya məruz qalır. Bu da bilavasitə sanitar-gigiyenik qaydaların yox dərəcəsində olmasında irəli gəlir. Eləcə də bu, zamanla özünü cinsi əlaqə zamanı da yoluxmalarda özünü göstərir”.
Xanım Byanyima onu da bildirib ki, mübarizə və müalicə yönündə vətəndaşların arasında ayrı-seçkilik yolverilməzdir(apa).
