Rusiyada yanvar-mart ayları ərzində ümumi dəyəri təxminən 3 milyard rubl olan 3,6 milyon antidepresan alınıb.
Azpost.info xəbər verir ki, bu barədə DSM Group analitik şirkətinin hesabatında bildirilir.
“Vedomosti” yazır ki, bu göstərici son beş ilin rekordu olub. Ötən ilin əvvəli ilə müqayisədə satışların artımı 33 faiz artıb. 2023-cü ildə eyni dövrdə 2,7 milyon paket dərmana 2 milyard rubl xərclənib.
Dinamikanı bazar iştirakçıları da təsdiqləyir. “36.6 apteklər şəbəkəsi”ndə antidepresanların satışının 2023-cü ilin eyni dövrü ilə müqayisədə 41 faiz, aptek 25 zəncirində isə 15 faiz artdığını qeyd edilir. Aparıcı dərmanlar arasında “Cipralex”, “Trittico” və “Velaxin” var.
“Bestdoctor” şirkətlər qrupunun nevropatoloqu Valeriya Polyakovanın sözlərinə görə, antidepresanların satışının artması onunla bağlıdır ki, həkimlər köhnə dərmanlar əvəzinə xəstələrə belə dərmanlar yazmağa başlayıblar. Onun sözlərinə görə, “Korvalol” və “Fenibut” kimi bitki mənşəli və sakitləşdirici köhnə dərmanlara tələbat azalıb.
“Bu dərmanlar yerli əczaçılıq bazarında ötən əsrin 60-cı illərindən bəri mövcuddur, lakin onların effektivliyi heç vaxt sübuta yetirilməyib”, – Polyakova bildirib.
DSM Group-un baş direktoru Sergey Şulyakın proqnozuna görə, antidepresanların satışı bundan sonra da artacaq. Belə ki, “Krokus Siti Holl”da baş verən terror aktı kimi neqativ hallar cəmiyyətdə təşvişin səviyyəsini artırır.
Azpost.info
