2024-cü ilin birinci yarımilində icmal büdcənin gəlirləri 24 milyard 352,5 milyon manat icra olunub. Bu da ötən ilin eyni dövrü ilə müqayisədə 2 milyard 434,3 milyon manat və ya 9,1% azdır.
Maliyyə Nazirliyinin məlumatına görə, icmal büdcənin xərcləri isə 18 milyard 198,9 milyon manat icra olunub. Bu da ötən ilin eyni dövrü ilə müqayisədə 2487,5 milyon manat və ya 15,8% çoxdur.
Qeyd edilib ki, icmal büdcədə 6153,6 milyon manat büdcə artıqlığı (profisit) yaranıb.
Büdcə artıqlığı (profisit) – büdcə gəlirlərinin büdcə xərclərindən artıq olan məbləğidir.
