Ermənistan hökuməti region ölkələrinin xarici işlər nazirlərinin “3+3” formatında Türkiyədə keçiriləcək görüşündə iştirakla bağlı hələlik qərar verməyib.
Bu barədə erməni mətbuatı Ermənistan Xarici İşlər Nazirliyinə istinadla məlumat yayıb.
Bildirilir ki, bundan əvvəl İranın Ermənistandakı səfiri Mehdi Sobhani xarici işlər nazirlərinin “3+3” formatında növbəti görüşünün yaxın vaxtlarda Türkiyədə keçiriləcəyini deyib.
Ermənistan XİN-dən verilən məlumata görə, əgər “3+3” regional platformasının üçüncü iclasında Ermənistanın mümkün iştirakı ilə bağlı konkret razılaşmalar olarsa, bu barədə ictimaiyyətə məlumat veriləcək.
